30.04.2026
Адам Университетинин студенти Азиялык эл аралык университетиндеги конференцияда 1-орунду багындырды
Адам Университетинин студенти Азиялык эл аралык университетиндеги конференцияда 1-орунду багындырды.
2026-жылдын 30-апрелинде Саткынбай Тентишев атындагы Азиялык эл аралык университетинде (Кант шаары, Кыргыз Республикасы) Жогорку окуу жайлар аралык студенттик конференция – 2026 болуп өттү.
Конференциянын темасы: «Терапиянын айлана-чөйрө жана командалык иш менен байланышы: оорулардын климаттык-географиялык факторлору жана саламаттык сактоо менен медициналык билим берүүдөгү кызматташтык».
Иш-чарага республиканын медициналык жогорку окуу жайларынын студенттери катышып, бардыгы болуп 25 оозеки баяндама жасалды. Студенттер өздөрүнүн илимий иштерин сунуштап, эксперттерден баа алып, илимий изилдөө жана коомдук сүйлөө жөндөмдүгүн өркүндөтүштү.
Адам Университетинин студенти Tayyaba Younus 1-орунду жеңип алды!
Анын баяндамасынын илимий жаңылыгы, практикалык мааниси, теманын тереңдиги жана коргоо чеберчилиги боюнча эң жогорку баага татыды. Бул ийгилик Адам Университетиндеги билимдин жана илимий маданияттын жогорку деңгээлин дагы бир жолу тастыктады.
Куттуктайбыз! Tayyaba Younusке жана анын жетекчисине чың ден соолук, чыгармачылык ийгиликтер жана жаңы илимий ачылыштар каалайбыз!
